चित्र कविता-४

चढणारी रात्र, उतरता प्रकाश; विझत चाललेल्या मेणबत्तीचा..  पुन्हा तल्लफ लावणारा गंध कपातून,  संपलेल्या कॉफीचा.. आणि मनाचा हट्ट .. डायरीची नेमकी  ' तीच ' पाने वाचण्याचा.. आता रात्र चढत जाणार, मेणबत्त्या विझत जाणार, कॉफीच्या कपांची रांग लागणार.. आणि कुठेतरी पहाटे क्षितिजावर गुलाबी छटा उमटली.. डायरी मधल्या ' त्या ' पानातल्या आठवणींसारखी.. की धांदल उडणार.. रात्रीचा पसारा आवरताना..  माझी आणि मनाची.. ~* कल्याणी *~ १२/२/२०२० पहाटे १३:२०